समाचार
ढोरवाराही मन्दिर
रहस्यमयी रुपमा पानीको लहरी छुट्ने कारण नेपालमै चर्चित रहेको धार्मिक क्षेत्र हो, ढोरबाराही मन्दिर । हिन्दु धर्मवलम्वीहरुको आस्थाको केन्द्रको रुपमा रहेको यस मन्दिरमा दैवि शक्ति रहेको आम सर्वसाधारणहरुको गहिरो विस्वास रहेको पाइन्छ ।
भौगोलिक रुपमा अत्यन्त सुन्दर र शान्त स्थानमा रहेको यो मन्दिरमा दैनिक हजारौँ धार्मिक पर्यटकहरु पुग्दछन् । नेपालको मात्र एकमात्र लहरी छुट्ने मन्दिरको रुपमा ढोरबाराही देविको मन्दिर रहेको यहाँका स्थानीयहरुको दावि छ ।
विज्ञानले समेत पुष्टि गर्न नसकेको रहस्यमयी लहरी छुट्ने कारण यहाँका प्रमुख विशेषता हो । यहाँ पुजा आराधना गर्द विशेष गरि उमेर पुगेर समेत नबोल्ने बच्चाहरुको बोलि फुट्ने र अन्य मनोकाँक्षाहरु पुरा हुने विस्वास सहित हिन्दु धर्म मान्नेहरु भक्तजनको रुपमा पुग्ने गरेको पाइन्छ । यस्तै प्राकृतिक वातावरणमा रमाउने र ध्यान, योग, साधना गर्ने एवं अध्ययन अनुसन्धान गर्ने ब्यक्ति एवं समुहरु पनि यहाँ पुुुग्ने गरेका छन् ।
शुक्लागण्डकी नगरपालिकाको दुलेगौँडा बजारबाट जम्मा ९ किलोमिटर दुरीमा रहेको ढोरबाराही मन्दिर सवारी साधनमा २० मिनेटमा सहजै पुग्न सकिन्छ भने यो धार्मिक गन्तब्य स्थलमा पैदल यात्रा गरेर समेत करिव १ घण्टामा पुग्न सकिन्छ ।
नक्साः ढोरवाराही मन्दिर
